Vocero di e Ministerio di Asunto Exterior di Rusia, Maria Zajarova, a boga diabierna na Venezuela y Guyana pa “abstene di cualkier accion cu por desbalansa e situacion y causa perhuicio mutuo.”
E vocero a señala cu Moscu “ta sigui di cerca e situacion rond di Esequibo”, incluyendo e referendum consultativo celebra recientemente na Venezuela encuanto e disputa teritorial cu e pais ta sostene cu Guyana.
“E cuestion aki ta un asunto di e relacionnan Venezolano-Guyanes y mester resolve den termino di bon bisiña mediante buskeda di solucion pacifico y mutuamente aceptabel, di conformidad cu e derecho internacional y e acuerdonan firma entre e partinan, como tambe e legislacion nacional vigente,” Zajarova a destaca.
Den e contexto aki, e representante di e Canciyeria Ruso a reitera e “postura di principio” di Rusia cu America Latina mester sigui ta un “zona di paz” manera cu a proclama den e cumbre di e Comunidad di e Estadonan Latinoamericano y Caribeño (Celac) na 2014 na La Habana (Cuba.)