RAQA, Siria – E ehercito Ruso a anuncia diabierna di a bombardea dia 28 di Mei, un luga na Raqa (Siria) unda cu a celebra un reunion di lidernan di e grupo Estado Islamico y cu ta verificando si su hefe, Abu Bakr Al Bagdadi, a muri den e atake.
E bombardeo tabata tin como obhetivo e reunion di e responsabelnan di e movimiento Yihadista ey, “caminda cu a participa nan hefe Abu Bakr Al Bagdadi”, a ehercito a incida den un comunicaco.
Si ta verificando via “varios canal” si Al Bagdadi a wordo elimina, el a agrega.
Segun e comunicado, e mando di e contingente militar Ruso na Siria “a ricibi na final di Mei, informacionnan riba e celebracion di un reunion di dirigente di e organisacion Estado Islamico den e periferia zuid di Raqa.”
“E verificacion di e informacionnan aki a permiti establece cu e obhetivo di e encuentro tabata e organisacion di convoy di salida pa e combatientenan di Raqa atrabes di e “coredor zuid”, e ehercito Ruso a indica.
E comnbatientenan di EI a afronta den e ciudad di Raqa, su mayor bastion na Siria, un ofensiva di un aliansa Kurdo-Arabe apoya pa e coalicion internacional dirigi pa Merca.
Tras un vuelo di reconocimento di un drone, bombers Sukhoi Su-34 y Su-35 a ataca e posicionnan Yihadista dia 28 di Mei.
En total, e ehercito Ruso a afirma a mata varios “dirigentenan halto” di EI, mas di “trinta hefe di guerra y hasta 300 combatiente.”
Fuente: www.elespectador.com