SAN FRANCISCO, California – Rusia mester cera su consulado den e ciudad Mericano di San Francisco. Tambe otro filialnan na Washington y New York, mester wordo cera, segun e ministerio Mericano di Asuntonan Exterior.
Merca a reacciona riba e ultimo sancionnan Ruso contra di diplomaticonan Mericano. Kremlin a duna Merca e opdracht pa baha e staff diplomatico Mericano na Rusia, luna pasa. Presidente Putin a laga sa cu e no ta spera cu no lo tin mas mehoracion a corto tempo den cuestion entre e dos paisnan aki.
Malo pa relacion
Un vocero di e ministerio Mericano di Asuntonan Exterior, a nombra e medida Ruso aki inhusto y ta malo pa e relacion entre ambos pais. “Den e spirito di recipocritad caminda cu e Rusonan ta haci un peticion, nos kier pa e Gobierno Ruso cera su consulado na San Francisco.”
Tanto e consulado como e otro filialnan mester cera nan porta prome cu dia 2 di September.
Decepcion
E minister Ruso Sergei Lavrov (Asuntonan Exterior) lo a expresa su decepcion riba e medida den un yamada telefonico cu su colega Mericano Rex Tillerson. “Moscu lo bay studia e medidanan anuncia pa e Mericanonan,” segun e departamento di Lavrov. “Despues nos lo anuncia nos reaccion.”
E relacion entre e dos paisnan ta basta bao di presion, entre otro pa motibo di e supuesto intervencion Ruso den e eleccion presidencial Mericano. E ex presidente Mericano, Barack Obama, a laga saca 35 diplomatico Ruso for di Merca aña pasa.
Putin no a tuma medidanan directamente. El a declara cu e kier mira prome con e sucesor di Obama, e presidente Trump, lo bay presenta dilanti di Moscu.
Fuente: www.rtl.nl