DAMASCO, Siria- Militarnan Ruso a informa diahuebs cu nan a haya un supuesto laboratorio rebelde cu substancianan kimico. esaki ta inclui recipientenan di chloor y componentenan pa fabricacion di gas mostaza, cu ta wordo uza pa elimina e enemigo.
“Durante e inspeccion di e ciudad di Duma a haya un laboratorio y un warehouse cu substancianan kimico”, segun Alexandr Rodionov, vocero di e Tropanan Ruso di Defensa Radiactivo, Kimico y Biologico a bisa na medionan local.
Entre e substancianan supuestamente haya pa e Rusonan a haya tiodiglicol y dietanolamine, componentenan kimico pa produci gas mostaza.
“A haya tameb un bari cu chloor, similar na esun pa e rebeldenan den e ponemento di escena di e material falso difundi ampliamente” (relaciona na e supuesto atake kimico cometi dia 7 di april ultimo na Duma. Aki ta caminda decena di persona a muri y di cual a responsabilisa e regimen Sirio), Rodionov a precisa.
E militar Ruso a agrega cu, en bista di e hallazgo, “por conclui cu e laboratorio tabata wordo uza pa gruponan ilegal arma pa e produccion di componentenan toxico”.
Expertonan di e Organisacion pa Prohibicion di Armanan Kimico (OPAQ) diahuebs a drenta Duma pa investiga e supuesto atake kimico.
Relaciona cu esaki, Rusia a nenga awe cu el a pone obstaculonan na e yegada di e expertonan internacional na Duma y a garantisa su siguridad personal.
E sospecho di e supuesto atake cu substancianan kimico tabata e detonante di un bombardeo conhunto lansa diasabra ultimo pa Merca, Francia y Reino Uni contra posicionnan gubernamental Sirio liga na e programa di armamento kimico.
Fuente:http://www.paginasiete.bo/