Casi na final di 2017 por a tuma nota di varios cambio den mundo di radio y television na Aruba. Locutornan conoci ta cambia di un radio cu nan a traha pa hopi aña y bay na otro. 2018 a habri y por a mira e conocido Lyonel Dirksz cu tin e programa radial Un mainta diferente na Top 95 fm a transmiti na Canal 48 fakkel y esaki a hala atencion di hopi hende. Nos a compronde cu e cambio di a bay na otro canal di television no a cay den bon tera y cu gerencia lo kier termina relacion di trabou cu Lyonel na e emisora tambe.
Lyonel ta conoci cu su programanan na Canal 22 pero esaki tabata un cambio cu ningun persona por a spera. Siman aki a habri y hopi a haya falta di Lyonel su programa dialuna mainta y diamars nada di Lyonel na radio.
Nos redaccion a tuma contacto cu e locutor Lyonel Dirksz pero no a logra haya ningun reaccion di su banda. Loke ta haci e situacion mas tenso cu awe e no ta den aire cu su programa na radio y den boca na palabra dialuna merdia oyentenan a reacciona na e gerencia cu ta spera di no kita Lyonel.
Pero pa nos redaccion rumornan fuerte ta core cu Lyonel posibelmente den e dianan venidero y/o simannan nos dilanti porta lo ta na otro radio ??? Nos lo sigui vigila esaki.
Reaccion di gerencia di Canal 22:
Canal 22: Lyonel a anuncia su terminacion den forma abrupto pa cual Canal 22 ta respeta su desicion y a dese exito. Gerencia na ningun momento kier a termina relacion di trabao cu Lyonel na emisora. E ta un desicion di dje mes!