BRASILIA, Brazil- Un paar di morocho di tres aña haya cera den un haula di palo na Brazil. E mayornan tabata tin nan cera den haula pa nan por traha den campo y haci trabao di cas.
Un paar di morocho di tres aña a wordo haya cera paden di un caha chikito di palo den nan cas di Aparecidinha, den e estado brasileño di Espirito Santo, segun O Globo ta informa. Polisnan a yeg na e cas despues di a ricibi un denuncia anonimo. Parce cu e mama di e muchanan a permiti e agenteann drenta den e cas sin mustra niun preocupacion. E caha tabata parti den dos pa separa e dos rumannan, cu no tabata tin niun co’I hunga y tampoco deken pa nan tapa.
E mayornan cu a agricultornan, a wordo hiba pa un warda di polis bou sospecho di maltrata infantile, pero poco despues a wordo laga den libertad despues di a duna declaracionnan. Segun un representante di polis local, ambos a splica cu nan a cera e muchanan pa nan por traha den campo y haci trabao di cas.
Polis no a haya señal di agression fisico riba e muchanan y tampoco niun otro señal di maltrato. E caso ta sigui bou investigacion, mientras cu e morochonan ta kedando den un refugio di e municipio di Santa Teresa.