Rumannan Klaber di Brazil Taekwondo Stichting a train na Seroe Alejandro

Diasabra ultimo e rumannan Klabér di e team di “Train Hard Fight Smart” tabata tin un otro reto na Seroe Alejandro ya cu e training tabata mas duro.

E rumannan Klaber ta focus ariba nan carera di Taekwondo y ta pone hopi enfasis ariba nan training. Mirando cu nan no sa ki dia cos lo normalisa bek y ki dia lo por tin un vacuna pa asina nan por cuminsa biaha pa bay trainings camp y campeonato. Nan lo sigui cu nan training duna pa nan tata Alberto Klaber.

Alberto Klabér ta den combersacion semanalmente cu Ex Campeon Mundial y Coach Olimpico Henk Meijer cu ta e coach di e Rumannan Klaber. Henk Meijer ta coach e rumannan Klaber pa basta aña caba. Henk Meijer tin un trainings camp plania na Servia na luna di Juli pa Augustus, pero nos no sa si esaki lo ta posibel e aña aki ainda, mirando e situacion actual. Un cos ta sigur cu training di e rumannan Klaber ta sigui pa asina nan ta cla manera cu nan wordo yama pa representa Aruba den exterior.

Comments

comments