Central di Polis ta manda un patruya pa Macuarima pa un problema familiar. Na e sitio polisnan ta papia cu e habitante L. Sra. L. ta declara cu un problema familiar ta bay for di man. Su yiu homber a cuminsa pleita cu su pareha y tambe cu su yiu tabata agresivo. E yiu en cuestion,
V ARAUJO ARIAS a bin pafo y a cuminsa grita y insulta polisnan. EN conexion cu esaki polisnan a bay over na su detencion. Despues di forceheo ta logra polisnan pa pone V. abao pa asina control’e y deten’e. Diripiente dos persona ta bin den direccion di e polisnan pa asina stroba e agentenan den nan trabao. Bou di e circumstancianan aki, polisnan a dicidi di laga e sospechoso los. A bin resulta cu un di e personana tabata ruman di V. y e tabata bou di influencia di un of otro substancia. E rumannan a cuminsa bringa y polisnan a purba di separa nan, pero a wordo stroba door di e mama y e ruman muhe.
A pidi asistencia di FLEX team cu a detene ambos ruman. Nan a wordo hiba pa Centro di Husticia na Santa Cruz, caminda cu Fiscal Suplente a duna ordo pa duna nan un cuarto gratis, te ora cu nan bin bij.
Central di Polis a wordo poni na altura.