BOQUERON, Paraguay – Si bo perde un yiu ta doloroso, imagina perde dos pareu.
E tragedia aki ta wordo biba pa un famia na Paraguay, for di diamars ultimo, dia 11 di Juli, dos ruman a muri gedal pa un tractor, secondenan despues di a tuma un selfie.
E hecho a keda reporta pa 6’or y mey di atardi, den e interior di un estancia den e ciudad di Mariscal Estigarribia, den e provincia di Boqueron.
Liz Carolina Ortiz Díaz (19) y Norma Noemí Ortiz Díaz (16), for di e ciudad di Concepcion, tabata riba e parti frontal di e vehiculo di carga, mientras cu nan tabata wordo desplasa den e zona. E hobennan a tuma potret y video durante e biahe.
Un grabacion a mustra e travesia di e mucha muhenan ora cu un di nan a perde balans. Aunke e ruman muhe a purba di want’e, ambos a cay abao.
Ambos hoben a wordo placha pa e wielnan patras di e tractor y a sufri lesionnan grave.
Fuente: www.laopinion.com