BUENOS AIRES, Argentina- Den oranan di marduga di diahuebs, Ines Zorreguieta, ruman muhe mas chikito di Reina Maxima di Hulanda, a wordo haya sin bida de su cas na Buenos Aires. E tabata tin entre 33 aña di edad. E tabata sufri di depresion.
Un vocero di gobierno Hulandes a splica na e medio di comunicacion Argentino, La Nacion:” Ta confirma cu Ines Zorreguieta, ruman muhe menor di Reina Maxima di Hulanda, a fayece diaranson anochi. Posiblemente ta trata di un suicidio”.
Ines tabata hopi close cu su ruman mayor, monarca Hulandes desde 2002. Tambe, el a fungi como madrina di e menor di e tres yiunan di Maxima, Ariadna.
Ines a studia psicologia na Universidad di Belgrano y despues el a traha pa ONU na Panama. Na februari 2016, president Mauricio Macri a nombre den e departamento cu ta coordina asuntonan social. Esaki a causa hopi critica, pa motibo di dudanan di e poblacion cu ta puntra nan mes di Ines tabata cualifica pa e trabao ey.
Segun informenan, Ines tabata sufri di problemanan depreviso como tambe alimenticio, pa cual el a yega di wordo interna.
Reina Maxima a yega di ofrece pa e sigui cu su estudionan di psicologia na Amsterdam, cual a wordo rechasa pa Ines.
Rijksvoorlichtingsdienst no a informa ainda ki dia Reina Maxima lo biaha pa Argentina.
Fuente: NOS