KUALA LUMPUR, Malasia – Kim Jong-nam, e ruman homber mayor di e lider Nor Koreano Kim Jong-un, a wordo asesina dialuna na Malasia, segun fuentenan Gubernamental a revela na e agencia Sur Koreano, Yonhap.
Ta trata di e yiu homber primogenito di e fayecito dictador Nor Koreano, Kim Jong-il, di 45 aña, y hasta e cambio di siglo a wordo considera como e miho posicionado pa releva su tata na e regimen Juche.
Fuentenan cita pa television Sur Koreano KBS, a añadi cu su morto tabata pa motibo di venenamento pa dos hende muhe na e aeropuerto internacional di Kuala Lumpur, cu a huy.
Fruto di matrimonio entre e dictador y su prome concubina, e actriz Song Hye-rim, Kim Jong-nam a emigra na China na 1995 y a biba desde e tempo ey entre Peking y Macao ampara pa e Gobierno Chines y ocupa den inversion di fondo.
Kim Jong-nam a perde definitivamente e fabor di su tata ora cu na 2001 el a wordo deteni na un aeropuerto di Tokyo cu un paspoort Dominicano falso cu cual el a pretende di uza pa drenta den Hapon y supuestamente pa bishita e parke di Disneyland.
Fuente: NTN24