DEN HAAG – Paul Wilders ta wordo menasa pa simpatisantenan di su ruman homber Geert Wilders. Esey ta loke el a skirbi riba Twitter.
Lo ta trata di varios menasa (di morto) di varios simpatisante di PVV. “Con esaki por ta, Geer,” el a Tweet.
A base di esaki tabata tin un Tweet di e lider di SGP, Kees van der Staaij mas tempran durante dia. El a Tweet: “Maruchaussee dilanti porta, post permanente di polis, sluisnan di staal: asina e muchanan Hudiu ta bay scol na Hulanda. Nos lo custuma cu esey?” Geert Wilders a reacciona riba esaki cu: “Asina ongeveer mi ta bay cas tur dia. Con esaki por ta posibel.”
No ta prome biaha cu Paul Wilders ta tuma distancia di e lider di PVV. Den pasado el a papia den programanan di television riba e diferencianan di opinion cu su ruman homber. Tambe el a skirbi un articulo di opinion riba esaki.
Na December Paul Wilders via Twitter a pidi disculpa pa e comportacion di e PVVer. Esaki a sosode despues cu el a manda un tweet riba un potret corumpi di Angela Merkel cu mannan na sanger. E potret ta implica cu Merkel ta complice di e atentado sangriento riba e mercado na Berlin debi na su maneho di refugiadonan.
Azeta riba candela
Segun Paul Wilders su ruman homber ta un hende “cu constantemente” ta benta azeta riba candela. Tambe el a skirbi: “Tabata tin ocasio cu mi yiu mester a evita cierto partinan di e ciudad y tabata wordo menasa…”.
Paul Wilders no ta wordo protehi, el a tweet. “Ami no tin miedo.”
Fuente: RTL Nieuws