MANCHESTER, Reino Uni- Un ruman homber mas chikito di e atacante suidica Salman Abedi, Hashem Abedi a wordo deteni na Liba pa un unidad anti- terorismo. Segun autoridadnan, e lo tabata preparando un atentado na Tripoli.
Tambe autoridadnan a detene e tata di e autor di e atentado na Manchester, na Libya. Salman Abedi di 22 aña a rementa su mes dialuna anochi na e salida di un concierto bon bishita door di adolescentenan na Manchester, cual a cobra bida di 22 persona y mas di 60 persona a keda herida.
Entre e cuater personanan aresta, tin tambe un ruman poco mas grandi di e autor di e atentado na Manchester, Ismail Abedi. Famia Abedi ta di descendencia Lybio. Mayronan di e rumannan Abedi cu tabata na Inglatera como refugiadonan politico, a regresa nan pais di origen, segun media Britanico.
E tata, Ramadan Abedi, segun testigonan tambe a wordo deteni diaranson ora cu hombernan arma a yega su cas na Tripoli, den tres auto blinda.
Anteriormente e tata a bisa cu e no a wordo acerca door di husticia Britanico y cu e no por kere cu su yiu Salman lo ta involucra den un atentado terorista.
Polisnan na Manchester ta papia di un network cu ta tras di e baño di sanger aki. Salman lo no a haci esaki su so. Extremistanan sunita di ISIS a claim e responsabilidad di e atentado. E atentado a cobra bida di varios mucha jong cu a asisti na e concierto di e cantante Mericano Ariana Grande.
Fuente: www.rtlnieuws.nl