Willemstad Curacao: Tabatin un aksidente basta pekuliar i serio ku a sosode awe mahinta den area di Sabana Baka. Un menor (6 aña) a logra drenta un vehíkulo (pikòp) di su mayornan i di un manera òf otro e vehíkulo a move for di e sitio i un otro menor ku probablemente ta su ruman, a keda trapa ku esaki. E kriatura di 2 aña asina, a haña sla na kabes i pechu. Ku esfuerso di mayornan, nan a topa ambulans na kaminda i asina e yu a keda transportá pa hospital. Tin un investigashon grandi tumando lugá pa determiná ku eksaktitut kiko a pasa.
