PANAMA CITY, Panama – E cantante Panameño, Ruben Blades, a expresa su miedo diamars cu e mandatario di Merca, Donald Trump, uza Venezuela pa distrae e opinion publico y cera e filanan rond di su “presidencia absurdo.”
Den un texto publica riba su pagina di Facebook, Blades, di 68 aña y cu aspiracionnan presidencial pa 2019, ta haci mencion na e yamada cu Trump a realisa na e presidente Panameño, Juan Carlos Valera, diadomingo ultimo.
Segun un comunicado di Cas Blanco, ambos gobernante a trata riba e “importancia di alenta e respet na e norma y procesonan democratico” na Venezuela.
Sin embargo, e cantautor tin miedo cu “Trump ta inventa otro “scary story”, como causa patriotico pa distrae su pais y oblica incluso na su adversarionan cerca y criticonan na cera e filanan rond di dje di su presidencia absurdo,” Blades a skirbi.
“Politica y emocionalmente, un conflicto internacional ta crea un apoyo incondicional y instantaneo pa un Gobierno, incluso uno cu problemanan interno. Ta inkietami cu un energumeno ta introduci un bari di polvo como tema di discusion,” el a añadi.
Aunke den e escrito, Blades ta matisa cu e no ta sugiriendo “ni remotamente” cu Merca kier invadi Venezuela, e artista ta recorda varios conficto internacional caminda cu e pais Norte Americano a keda involucra, manera e invasion na Panama na 1989.
Blades tin miedo cu Trump a solicita “asistencia” di Varela, pa resolve e situacion Venezolano “como un recurso pa alivia e crisis di debiidad cu e ta sufri na nivel mundial” y distrae e atencion di su “desaciertonan frecuente.”
“Esey ta e modo di opera di mago y estafadornan,” e autor di “Patria”, “Decisiones”, “Pedro Navaja” of “Buscando America,” a afirma.
E musico y politico ta conclui, pidiendo Varela pa no laga su mes “seduci” pa Trump cu “iniciativanan egocentrico” pasobra ademas, Merca, “no ta gradici fabor.”
Fuente: Globovision