Play Off final HEINEKEN di Aruba Softball Bond dedica na baluartenan Chin Thiel ( q.e.p.d) y e trabuco Wilbert “Wiwi” Maduro a continua riba veld di Dragom Hitters ( X Duracell). Despues di un exitoso campeonato internacional femenino di WBSC Suramericana ( CONSURSA) cual a tuma luga riba e mesun veld, Federacion di Softball di Aruba a prepara e tereno mesora pa continua cu Play Off final Masculino AA cual inicialmente tabata para pa motibo di awasero constantemente den October unda veld primordialmente na Pos Chikito no por a wordo aregla como cu e no ta wanta mucho awa. Asina Royal Power Tat Fat Home Depot cu su ekipo completo cu diferente caranan hoben e aña aki pasando den e proceso di rehubenece e ekipo pero manteniendo esaki competitivo a derota Balashi Premuim un ekipo cu a lucha desde A-Klas y a titula campeon den A Klas pa subi dobel A den transcurso di algun aña a yega pa hunga final di AA.
Pues un ekipo batayado cu tremendo talento. Un wega hopi cera unda Royal Power tabata tin e bentaha di 8-7 te den cabes di 5 inning riba dos eror costoso di Balashi Premuim Royal Power ta start un rally anotando 7 careda pa termina cu e speransa di Balashi Premuim. Royal Power 15 careda, 16 hit, 0 eror y ta laga 4 coredo den circulacion. Balashi Premuim 7 careda, 6 hit, 3 eror lagando 6 coredo riba base. Royal Power como ekipo a bay di 27-16 pa un averahe como ekipo di 592. Balashi a bati como Team 21-6 pa un averahe di 286. Pa Royal Power a destaca na bate Gregory Krosendijk 3-1 cu 2 RBI y 3 careda anota, Pierre Richardson Junior 2-1 cu un doblete, Giandrick Lacle di 4-2 cu 6 RBI incluyendo un grandslam cu un homerun den parke, Jomark Flanegin di 4-2, Guyon Cannister di 1-1, Leander Angela di 2-2 incluyendo un doblete, Aigil Brete di 2-2. Pa Balashi Premuim a luci na plato Sando Geerman di 2-1, Djurwin Croes di 3-2 cu un doblete y 3 RBI, Gianmar Alders 1-1 y Sandrick Geerman di 3-1. Jair Thompson aunke no riba su miho anochi ta logra seya e victoria riba su nomber tirando 53 bola, 62 strike pa un total di 115 lansamento, permitiendo 7 careda limpi propinando 6 strike outs y ta regala 7 base por bola pa un ERA di 9.80.
Erick Henriquez di Balashi ta bay cas cu e derota lansando 3 inning y 1 tercio 23 bola, 47 strike pa un total di 70 lansamento permitiendo 4 careda limpi, 1 ponche y ta regala 1 base por bola pa un ERA di 8.40. Ricky Henriquez ta wordo releva pa Jorge Santana Cortina kende ta permiti 7 careda limpi pa un ERA di 29.40. Cu e resultado aki Royal Power ta pika ariba 2-0 den e serie final di best out of 5 y tin Balashi lomba contra muraya den un situacion cu nan mester gana e proximo partido pa extende e serie y di otro banda Royal Power cu un victoria e proximo wega lo titula campeon y lo retene esaki desde 2014 esta pa di 5 aña consecutivo. Game Time! Lets Play!