Playoff Heineken di Aruba Softball Bond dedica na Minguel Tromp y Emelina “Mamai” Loopstok a yega su final. Despues di un serie hopi intensivo entre e dos equiponan cu a brinda fanaticada un espectaculo enolvidabel cual a bay porcierto tur 5 wega cual finalmente a termina diabierna ultimo cu e ekipo campeon di 2015 reteniendo su titulo un biaha mas como e campeon indiscutibel. Den e serie di best out of 5 Royal Power a bay ariba 1-0 pero mesun dia Pizza Hut Monsters ta empata e serie 1-1. Pizza Hut Monsters den wega number 3 ta gana esaki hasiendo e serie 2-1 pa pone Royal Power lomba contra muraya. Den wega number 4 Royal Power ta saca un victoria di 8-6 pa empata e serie 2-2 forsando un wega decisivo. Diaranson sinembargo e wega desisivo a inicia pero no por a termina como cu den reglamento di campeonato ta stipula cu no lo habri un inning despues di 12am y aki Pizza a protesta y corectamente ASB a tuma e decision pa para e wega den top di 4 inning. Pizza Hut a score 6 careda den promer inning y tabata gana 6-0 pero momento cu e wega a wordo para Royal Power tabata ganando 13-12. Diabierna di acuerdo cu reglamento di campeonato y tambe reglamento internacional e wega a continua den di 4 inning pa asina bay termina. Royal Power ta probecha anotando 3 careda mas riba un hit crucial di Jomark Flanegin pa segura e victoria y celebra un otro titulo di campeon. Royal Power 16 careda, 16 hit, 3 eror. Pizza Hut Monsters 12 careda, 12 hit, 3 error. Jomark Flanegin ta gana e partido mientras Richinell Matos ta resulta pitcher perdedor. Mihor bateadornan pa Royal Power ta Jomark Flanegin 4-3, Jair Thomspon 4-2, Eldrick Dijkhoff 4-3 incluyendo un cuadrangular di 3 careda, Gregory Krosendijk di 5-4, Giandrick Lacle 2-1, Richard Flanegin 1-1. Pa Pizza Hut Monsters a destaca na bate Derward Ruiz 5-3, Jerrold Martijn 5-2, Richinell Matos 4-2, Angelo Laurant 3-2 incluyendo un cuadrangular den deep center. Pizza Hut Monsters ta menasa den cabez di 7 inning pero cu un rolling fuerte pa primera Cannister ta fildea pisa y tira seguna pa completa un double play y asina caba cu tur speransa. Jomark Flanegin ta ricibi e premio di MVP di serie final mientras Pizza Hut Monsters a ricibi trofeo di sub-campeon y Royal Power e trofeo di campeon. Un campeonato di 168 wega cu un bunita final yena cu emocion. Pabien na tur cu a destaca. Durante siman duna un relato di premionan individual. Softball ta den su Gloria!!!!