Despues di un tremendo campeonato HEINEKEN fast pitch di Aruba Softball Bond tur cos ta cla pa inicia cu play-off pa determina campeon 2016 di Aruba. Campeonato e aña aki ASB a organisa esaki den un format di double header. Esaki a causa un impacto grandi y positivo. Ekiponan a hunga un total di 24 wega prome cu play-off. Royal Power kende a termina na prome luga cu 21 victoria y 3 derota lo topa su rival Pizza Hut Monsters kende a termina cu 20 victoria y 4 derota den un serie di best out of 3. Ganado di e serie aki ta garantisa sub campeon mientras e perdedo lo inicia un serie nobo di 3 wega contra e ganado di e serie entre number 3 (Spuiters) y number 4 cu lo ta ( Macuarima of Balashi). Diabierna awor cuminsando pa 7:15pm Royal Power vs Pizza Hut Monsters den un double header riba veld di Kudawecha. Dado caso cu mester un di 3 wega esta un wega desisivo esaki ta riba schedule diadomingo 18 di September pa 615pm na Kudawecha. Diadomingo 12pm lo tin e promer wega di final di A-Klas despues ta continua un double header entre Spuiters vs ganado di ( Macuarima vs Balashi) terminando cu Royal Power vs Pizza Hut Monsters sit a necesario. Pues diadomingo lo tin weganan crucial riba veld di Kudawecha. Softball fast pitch den pleno desaroyo.
