E rumannan “Normil”, esta Russow (Rousseau) y RickyReezy hunto cu nan amigo esta e rapper/Productor Kleine “G” ta uni den studio di grabacion p’asina ensambla nan tema nobo titula “Baila cumi”.
Primeramente Rousseau t’e prome cu a graba, despues su ruman RickyReezy di forma individual tambe ta presenta su tema. Ambos cu Kleine G cu ta hinca su ‘flow’ cu ta duna e tema un dimencion diferente.
E hobennan aki sin duda ta conta c’un color di voz unico y diferente, ta for di chikito nan ta canta acapela harmoniza [Boyz II Men style] hunto cu su otro 2 rumannan cu un tempo atras nan tabata bao di e nomber “A4”.
Pero nunca nan no a graba un video clip, pero nan tabata semper ser menciona den tempo di fin di aña pa loke nan a logra graba.
“Russow (Rousseau) y RickyReezy” ta uni cu ‘Sidney Maduro’ miho conoci como Kleine ‘G’ cu ta un hoben productor, rapper y compositor den e tema aki titula “Baila cumi” cu ta bira na prome hunto.
E post-production a tuma luga den ‘G Plug Production’ studio di Kleine G cu despues a traspasa tur file p’asina haci e tema aki mas grandi, ademas di esaki ta Sali cune un video clip cune.
E idea ta, pa di un forma masha senciyo mustra esan cu gusta bon musica nan capacidad vocal cu ta totalmente diferente na loke nos a bin ta scucha ultimo aki y di por marca su mes tambe como can-autor di un bon contenido manteniendo e liña comercial. Esaki ta e link p’abo tambe tira un bista riba e video clip:
(foto:RKR/art:megan)