E cruzada di Bubali tabata basta critico unda cu a ripara cu den e ultimo añanan tabata tin hopi dalmento na e crusada aki pa motibo di preferencia y no ta overzichtelijkriba su mes. Si haci cambio di ruta, lo bay congestiona e ruta aki mas hopi. Director di DOW Sr. Marlon Croes ta splica.
Pa e motibo especifico aki ta cu DOW a dicidi di bin c’un rotonde temporal riba e punto aki, unda cu por mira cu e ta duna alivio pa e autonan ta mas safe ora nan ta cruza y e trafico a bira miho.
E rotonde aki a wordo traha den un dia, caminda cu enberdad e mesun dia atardi tabata tin un of dos accidente registra, pero e feedback cu ta hayando di e comunidad ta cu e ta funcionando caminda cu e por keda permanente.
Riba esaki a dicidi cu e rotonde ta keda definitivo anto ora e ta keda cla nan ta bay modifica e punto aki pa e bira un rotonde completo pa e por bay funicona miho siendo cu e rotonda aki a wordo traha pa un periodo cortico pa haci e wegomweg. A peticion di e comunidad e ta bay keda un rotonde den futuro y ta ripara cu tin menos dalmento danki na esaki pero e por funciona miho ora nan ta hacie definitivo.