Diasabra 25 di Augustus e caminda di Tanki Leendert lo habri atrobe pa trafico y estrena su rotonde nobo.
Marlon Croes di DOW ta splica cu e trabounan riba e caminda di Tanki Leendert tabatin un duracion di tres luna y awo pa diasabra e caminda lo wordo habri y estrena su rotonde nobo pa alivia e fluho di trafico cu un ruta alternativo nobo. E rotonde nobo aki ta situa banda di Cas Casuela. Compara cu e habrimento di e rotonde di Super Food cu a wordo habri mucho lihe sin caba cu tur e trabounan, a pidi e contratista pa caba cu e trabounan di Tanki Leendert mas miho posibel.
Sr. Croes ta confia cu e caminda y su rotonde nobo lo por brinda un ruta alternativo nobo y satisfactorio pa automobilistanan.