Pa loke ta e rotonde 3 (Seroe Patrishi), esaki ta e rotonde mas grandi den e proyecto, y ta e unico cu tin un diseño paperclip cu cinco entrada. Dus tin un gran cantidad di trabao di utilidad pa haci, mirando cu e diferencia den nivel di e diferente camindanan cu ta conecta. Sr. Joao Suares- General Manager Watty Vos Blvd, di Mota Engel ta elabora mas ariba esaki.
Companianan di Utilidad a haci un tremendo trabao y aworaki Mota Engil ta focus pa termina cu e rotonde aki pa mita di April. Pero e ta haci enfasis cu esaki ta un di e rotondenan mas complex di e proyecto Watty Vos Boulevard. Pa loke ta e rotonde 7 (Ling & Sons), e prome capa di asfalt a wordo poni diaranson, y despues e separatornan di concrete. Pero esaki ta planea pa wordo habri na maart bek.
VIADUCT
Pa loke ta e viaduct cu ta den construccion na Meiveld, e trabaonan ta progresando ariba un bon tempo. Y segun planning, e camindanan lo mester habri bek cu e viaduct cla. Tambe na Hato, Mota Engel ta consciente di tur e camindanan cu ta cera y e problemanan cu esaki ta trece cun’e, y nan ta purba pa e trabaonan no stroba e trafico mucho. Ta trahando ariba opcionnan pa solucionnan alternativo pa minimalisa e problema cu e camidna cera ta trece pa cu e trafico. Den un siguiente conferencia di prensa, Mota Engel lo trece esaki dilanti.
JUAN E. IRAUSQUIN BOULEVARD
Diahuebs lo implementa un “traffic circulation”. Esaki semper den discusion cu DOW y polis, pa asina tambe e impacto ariba e usarionan di nos careteranan ta minimo. Sr. Campos Forte a sigui bisa cu pa loke ta e lusnan di trafico na e crusada di Palm Beach, nan a haya e peticion pa pospone e trabaonan akinan. P’esey e trabaonan lo tuma luga na e crusada Amsterdam Manor te cu Divi Phoenix, nan lo ta trahando e caminda y trafico lo pasa ariba e caminda bandi lama, pero esaki ta tuma luga ariba diasabra, pa asina por soluciona e problema di crusada di Palm Beach. Esaki ta e “traffic circulation plan” cu ya caba a wordo informa di dje, lo drenta na vigor diasabra. Trafico lo por pasa den ambos direccion, banda di lama.
SECCION IRAUSQUIN 2
E parti aki lo ta banda di Costa Linda, unda cu lo traha e Parkinglot, e trabaonan aki lo cuminsa na maart. Y esaki ta den temporada di campamento. Polis lo informa di desviacionnan aki.
A puntra Sr. Joao Suares- General Manager Watty Vos Blvd dicon un rotonde, y no un T-weg, el a splica cu nan ta implementando e diseño y e decisionnan di unda cu ta traha e rotonde a wordo tuma door di gobierno di Aruba. Y Mota Engel ta construyendonan segun e plan. Pero si Sr. Joao Suares a bisa cu e rotondenan ta pa tin un miho fluho pa e trafico cu’n T-weg. E trabaonan aki lo sigui te cu december 2019, unda cu e proyecto aki lo mester yega su final. Y despues di esey nan tin un periodo di mantencion pa 20 aña.