Rotary Club di Aruba a demostra un bes más su compromiso na comunidad di Aruba sosteniendo esnan cu tin necesidad di ayudo y apoyo boluntario. Ariba dos diasabra den luna di Augustus, miembronan di Rotary Club di Aruba, re-enforsa pa miembronan di Rotaract Club di Aruba y amigonan boluntario, a uni forsa pa verf e edificio di e misa no-denominacional na playa. E edificio ta e segundo edificio mas bieu na Aruba. Anteriormente e edificio aki tabata e prome Misa Protestant. Pa realisa e proyecto aki, Rotary Club di Aruba a conta cu un grupo di más of menos 30 persona haciendo trabounan tanto na e parti paden como e parti pafor di e edifcio. E miembronan y demas boluntario ta satisfecho di por a yuda e iglesia aki directamente y ta aprecia e iniciativa di e comite Rescata Kerki 1846 cu a confía den trabou di nos boluntarionan, haciendo e bunita proyecto aki di embeyecimiento un éxito. Rotary Club di Aruba ta hopi entusiasma y cla pa sigui yuda nos comunidad directamente den más ocasion.