Na November ultimo Aruba a wordo confronta cu un awasero cu a haci hopi daño na casnan di diferente cuidadano den nos comunidad. Despues di a haci un sondeo rond di nos isla e campaña “Hunto nos ta Yuda” a wordo lansa. Cu e fundo aki por yuda esnan cu a wordo afecta door di e awasero di November ultimo. Rode Kruis Aruba ta encarga pa maneha e fundo aki.
Rotary Club of Aruba a dicidi di uni su mes na e causa aki door di haci un donacion di Afl.10.000,- na e fondo “Hunto nos ta Yuda”. Siman pasa Presidente Stanley Looman y miembronan Maas van Drie y Danilo Werleman a hiba e cheque na Rode Kruis Aruba. Hans Ruiter y Indra Anthony-Pereira di Rode Kruis Aruba a tuma e donacion aki.
Rotary Club of Aruba ta gradici Rode Kruis Aruba pa e trabao cu nan ta haci den nos comunidad.