Rotaract Club of Aruba ta organisando pa di trecer aña consecutivo e seminario “You Inc. – Excel Professionally and Beyond”. E topico e aña aki ta “Be your own hero- How to tap inside your own super power and excel like a super hero”. E orador invita pa e edicion aki ta Sra. Michelle Villalobos y como orador local nos lo tin Nathaly Cabrera.
Conforme e meta di You Inc., pa ta un seminario diferente y accesibel pa un y tur, Rotaract Club of Aruba lo introduci algo nobo y innovativo durante e mainta aki. Pa cuminsa e mainta lo tene un “shake up panel” cu lo wordo dirigi pa Rosabelle Illes den colaboracion cu Aruba Tourism Authority y naturalmente tur presente. Esaki lo wordo sigui pa Nathaly Cabrera cu lo guiabo con pa acepta y transforma bo temor den un manera positivo. Alabes, Nathaly lo elabora un tiki mas riba kico tur ta stop nos di discubri loke ta nos “hidden powers.” Pa culmina e mainta energetico aki, Michelle Villalobos lo guia e publico con pa ta nan mesun “super hero”.
Tur presenta lo no solamente ta presenciando un seminario, pero mas importante ta cu esnan presente lo ta participa den un experiencia cu sigur lo laga energia halto cu yen di inspiracion. Asina aki Rotaract Club of Aruba ta spera di inspira tur presente pa logra nan meta, sea den nan bida priva of profesional.
You Inc. e aña aki lo ta dia 3 di Juni na Hyatt Regency. Registracion lo start 8:00 AM y e seminario lo ta di 8:30 AM pa 1:30 PM. Tickets general ta na balor di un “early bird special” di Afl. 75,-.. tambe nos tin tickets pa studiante na valor di “early bird special” di Afl. 35,- esaki nan ta valido te cu 26 di Mei 2017. Despues e ticketnan ta bai na prijs regular di Afl. 100,- y pa studiante Afl 45,-.
Tickets ya ta na benta y ta obtenibel na tur localidad di Nature’s Discount, CoLab, cerca miembronan di Rotaract Club of Aruba, via: [email protected] of na: 594-8878. Por bishita nos Facebook page Rotaract Club Aruba tambe pa mas informacion.