Diamars mainta a tene un simulacro di teremoto na Rosario College pa cual aki a papia cu juffrouw Jouella Gomes cu a hasi e papel di vocero di scol a splica kico tabata e idea di esaki.
E simulacro tabata uno caminda cu mester a evacua e scol completo. Siman pasa nan a haci un training caba, pero no unda cu mester a evacua of bandona e tereno di scol. A saca e muchanan cu den corto tempo, den menos di 7 minuut, mester a bandona e edificio, y a para pafo ariba tereno di scol mes.
Pero esun di diamars oficialmente el a wordo haci, caminda cu nan a cana bay na e zona di siguridad pa e scol completo. E scol ta consisti di 278 alumno y e simulacro a bay bon. Sigur sigur nada no ta bay perfecto, pero importante ta cu nan ta un stap dilanti.
Rosario College ta e prome scol cu ta haci un training asina y Juffrouw Jouella Gomes a splica cu e proyecto aki ta un iniciativa di un studiante di EPI Salubridad y Servicio, Marylin Hermans.
Juffrouw Gomes a bisa cu den su 11 añanan trahando, e nunca a pensa cu ora algo pasa, kico lo mester wordo haci? Nan tin hopi mucha, caminda den Juffrouw Gomes su klas tin 29 mucha. Hopi hende tin e tendencia di grita y core. Pero den e training aki nan a siña cu prome cos na momento cu skucha e bel, mester busca bay bou di un mesa, bou di stul pa proteha nan mes, pa warda te ora e bel bati. E muchanan a siña cu nan mester keda calmo, rustig. Nan tin cu tende kico ta pasando, ki ora ta e momento adecua pa por bandona y sigur como docente, Juffrouw Gomes mainta e tabata tin 29 mucha, y prome cu bandona klas e mester core conta e muchanan, un mucha por a bay baño y si e laga un mucha den baño pa ora cu bin yudansa, pa bisa, ok, mi klas falta un mucha.
Pero si mi tin tur mi muchanan dne klas, e ora por bandona e lokaal, esey tambe ta un manera, cu na momento cu brandweer, ken cu bin yudansa, nan sa cu e lokaal ta cla y cu niun hende no a keda atras. Durante e prome biaha, algun di e muchanan nan a cuminsa yora, pero papiando cu nan, nan a bin calma. Pero mañan cu Dios kier, cu si algo pasa, e muchanan sa kico pa haci y nan tambe como docente, como responsabel pa e muchanan tambe sa kico pa haci.
Juffrouw Gomes a splica cu durante e simulacro, algo a bay malo cu e bel. E ta di opinion cu den cada klas, mester tin un EHBO kit, pero cosnan cu tin nan man y el a duna come ehemper cu si un mucha ta sangra, e tin algo toch, pa mara y wanta e herida. Pa prome biaha e ta un proceso. E ta un parti positivo pa por sigui y pa haya e yudansa y e training necesario. A cuminsa cu temblor, pero e idea ta pa yega pa wordo certifica y despues bay over na candela, y otro desgracianan cu por tuma luga ariba Aruba.
E idea ta cu lo sinta un biaha mas cu Sr. Hermans di Departamento di Calamidad y e lo duna tips, di kico a bay bon y kico a bay malo. Pero como scol tambe, nan lo sinta cu nan cabesante y delibera di kico a bay bon y kico a bay malo, pa wak kico falta. Ta bay prome pa wordo certifica di e parti di temblor y despues lo bay pa candela, y tambe bom. Tur esakinan ta siñando, na cada bel nan sa kico ta pasando, si ta temblor, candela of cual desaster.
E bon ta cu, apesar cu e scol ta grandi, toch tur hende tabata sa di antemano cu no ta drenta den panico y sali for di e luga indica, segun Juffrouw Jouella Gomes.