Dialuna 14 di November lo tin otro Rosario Bibo na Kapel di Alto Vista pa 7 or y mey di anochi.
Comision encarga ta invita tur hende, grandi y chikito pa uni den oracion na pia di Birgen di Alto Vista, Patrona di Aruba.
Cada persona por presenta su propio intencion sea publicamente of den silencio. Hunto lo resa tambe pa pidi proteccion pa nos isla, pa amor reina den cada cas di famia. Unda tin amor y comprension, lo tin felicidad y mal vicio hamas lo por afecta nos casnan di famia y nos sociedad.
Nos ta yegando na final di otro aña y ta momento pa nos cuminsa reflexiona riba tur loke a sosode, nos logronan y tambe unda nos por a faya den nos comportacion cu otronan.
Un y tur ta keda cordialmente invita pa asisti na e Rosario Bibo di dialuna 14 di November na Kapel di Alto Vista.