Dialuna 10 di April pa 7 or y mey di anochi lo tin otro Rosario Bibo na Kapel di Alto Vista.
Na e ocasion aki tur presente lo reza hunto pa nos isla, pa cada cas di famia, pa nos hobennan, pa nos enfermonan y tur otro cu mester di oracion pa yuda nan den nan bida diario.
Dialuna ta cuminsa Semana Santa, e siman di pasion y morto di Hesus. Pero tambe ta e siman di sufrimento pa tur esnan cu tabata rond di Hesus, specialmente su mama Maria. Maria a acompaña su unico yiu ariba e caminda doloroso te na pia di cruz. Na cruz claba Hesus a duna nos, Maria como nos mama tambe ora el a bisa apostel Huan “Yiu, ata ki bo mama”.
Den nos oracion nos por recorda tur e mamanan cu ta sufri pa un of otro motibo, pa nan haya alivio y recompensa. Pa nan corda semper cu Mama Maria, Birgen di Alto Vista lo t’ey pa scucha nan orashon.