Diabierna 3 di november proximo lo tin otro Rosario Bibo na Alto Vista cuminsando pa 7 or y mey di anochi.
Comision organisado ta invita tur fielnan, famianan pa uni den ocasion y pa pidi Birgen di Alto Vista intercede pa cada persona cu ta biba ariba Aruba.
Oracion den grupo ta uni hende, ta duna mas forsa y alimento spiritual. Nos isla, nos casnan di famia mester di hopi oracion pa por surpasa tur malo cu por presenta.
Cada persona por presenta su intencion personal of tambe un intencion pa salud pa nos enfermonan, nos grandinan, pa e hubentud di Aruba, pa tur hende tin exito na trabou y pa tur esunnan cu ta dirigi nos pais sea den gobierno of den sector particular y pa nos boluntarionan cu ta traha pa bienestar di cada prohimo.
E invitacion ta pa reuni diabierna 3 di november pa 7or y mey di anochi na kapel di Alto Vista.