Diabierna 23 d november lo tin e ultimo Rosario Bibo pa aña 2018 na kapel di Alto Vista pa 7 or y mey di anochi.
Comision organisado ta gradici tur esnan cu durante henter aña a reuni na Alto Vista pa resa sea pa un intencion particular of pa henter nos isla.
Na e ocasion aki nos lo gradici Tata Celestial pa tur fabor ricibi durante aña. Y si algo no a bay segun deseo, tambe nos lo conforma cu boluntad di Dios.
Hopi di nos kisas a wordo confronta cu malesa grave, morto den famia, problema na trabou of na cas. Pero nos ta sigui resa pa Mama Maria sigui intercede pa nos haya Dios su yudansa pa sigui sirbi Hesus den e mundo aki.
Un invitacion cordial pa tur fiel asisti na e Rosario Bibo diabierna 23 di november na kapel di Alto Vista.