St. Rosa College ta un scol cu tin 8 klas y un total di 146 alumno. Na e momentonan aki e scol ta bou un renobacion masha grandi. Cabesante di St. Rosa College, Lai-Ping Carti Cheong a indica cu nan ta hopi contento y nan ta na un edificio di ex-VAD na e momentonan aki.
“Mi ta kere cu nos tur ta anhela pa bin bek na un edificio unda mucha merece di haya e educacion manera debe ser”, asina Juffrouw Carti Cheong a remarca.
E scol ta existi pa un tiki mas cu 150 aña, cual aña pasa nan a celebra. “Segun tur otro cabesante cu mi a puntra, nan di cu e scol nunca a haya un renobacion asina grandi. Semper nan a drecha aki y aya, nan a pone cierto cosnan cu nan mester. Pero asina aki manera e ta, nunca nos a haya”, asina Juffrouw Carti Cheong a termina bisando.