Roots Palmera ta un banda cu integrantenan Arubiano biba na Hulanda. Desde nan inicio aña pasa Roots Palmera a forma e banda pa asina por integra diferente zonido Caribense den nan musica. Esaki a resulta den un acogida grandi, treciendo nan zonido Caribense dilanti diferent publico grandi na Hulanda. Den nan musica bo por scucha influencianan di Reggae, Zouk, Soca, Dancehall y Rock cual ta asegura un “feel good vibe”.
Single release
Den nan ultimo dos produccion Roots Palmera a traha e cantica “Pick & Choose” y “The Caribbean One”. Den e produccion di “Pick and Choose” Roots Palmera a concentra riba un aspecto di bida cual kisas tur hende riba e islanan a pasa door di dje. Esaki ta amor, kiebro di un relacion of e buskeda pa un pareha of bida perfecto. Door di a hinca un “feel good island vibe” den e cantica e mensahe ta cu: “Cosnan fastioso por pasa den bida pero bida ta sigui y bida ta loke bo mes ta crea di dje”. P’esey tambe e titulo “Pick & Choose” referiendo na cosnan den bida cu ta pasa cual bo no por scoge pero alabes cosnan den bida cu por pasa cu si bo por scoge. E di dos produccion “The Caribbean One” ta dedica na hendenan cu ta pasando den momento nan dificil. Nos mensahe pa nan ta pa no perde speransa paso cosnan lo drecha. Mientras tanto nos ta manda hopi amor y positivismo pa boso mane nos cantica ta bisa “But no matter what I’m sending loving your way”.
ABC Caribbean tour 2016
Pa esnan cu ta puntra nan mes ta ki dia e “islanders” nan ki ta bin toca na Aruba no mester warda mas paso e fin di siman aki Roots Palmera finalmente lo yega Aruba! Dato pa nan ABC tour ta lo siguiente:
16th of September at 8.00 pm Zanzibar Beach & Restaurant, Curaçao
17th of September at 7.30 pm Spice Beach Club, Bonaire
18th of September at 7.00 pm Renaissance | Mall & Marketplace, Aruba
25th of September at 6.00 pm Pelican Pier, Aruba
Si boso ta interesa pa sa mas di Roots Palmera y nan desaroyo boso por acudi na nan pagina di Facebook. Desde Hulanda Roots Palmera ta manda un caluroso danki na tur nan famia, friends, fans y conocirnan cu ta support nan. Un danki di antemano pa un y tur cu lo scucha nan cancion y “follow” nan online.
Contact: Jean Carlos Croes
Mail: [email protected]
Facebook: https://www.facebook.com/RootsPalmera/
Youtube: “Pick and Choose” https://www.youtube.com/watch?v=FnJlpGfvObA&feature=youtu.be\
Youtube: “The Caribbean One” https://www.youtube.com/watch?v=jUTklzELICA
Soundcloud: https://soundcloud.com/roots-palmera/
Spotify: Pa esnan cu tin Spotify por busca artist: “Roots Palmera”