Ronella Tjin Asjoe-Croes: Inverti mas den marketing internacional ta duna bon resultado den nos turismo

Haci propaganda no ta un luho sino un necesidad, cu awe nos por wak un crecemento den nos bishitantenan cu ta bin Aruba segun CEO di ATA, Ronella Tjin Asjoe-Croes.
ATA a bin ta inverti mas den mercadeo. A inverti un total adicional di 4 miyon e aña aki den mercado di Merca, pa por carga tur e desaroyonan aki. Ta sigui traha di cerca cu JetBlue pa asina activa un campaña promocional pa e ruta nobo aki tambe.
Tjin Asjoe-Croes tin cu gradici e socionan, entre nan JetBlue mes, tambe coleganan na oficina di turismo tanto na Merca y na Aruba mes. Mester menciona aki, e CMO, Sanju Luydens-Daryanani, kende tabata instrumental den esaki. Un danki sigur na esnan cu a traha duro y tambe na aeropuerto y e ekipo operacional cu ta percura pa tin luga pa acomoda tur e avionnan cu ta logra convence pa amplia, of pa introduci Aruba, cual ta un reto. Pero un danki na nan tambe sigur.
El a finalisa bisando cu ATA sigur lo pone tur su empeño pa esaki ta un otro exito pa tur socio y tambe pa henter e isla di Aruba.

Comments

comments