Segun CEO di ATA, Ronella Tjin Asjoe-Croes, Venezuela ta un mercado importante y considerando e desaroyonan cu ta cambiando asina lihe, pero tambe segun desaroyonan recien, ta haya hopi oportuno e iniciativa di sigur Gobierno di Venezuela pa tin na Aruba inversionistanan, tin akinan personanan di negoshi y tambe conecta esakinan cu esnan cu tin interes for di Aruba pa haci negoshi cu nan. Esaki con cu bay con cu bin ta e perfil di e bishitante desea tambe. Mas negoshi cu tin, sigur ta sigui crece e laso a base comerciante entre dos pais, mas beneficio e tin pa turismo tambe entre e dos paisnan. No mester lubida ya caba, varios combersacion cu a tene, tin hopi comerciante cu tin negoshi den area di turismo. For di eynan a bin dilanti e pensamento combinacionnan di Aruba, Venezuela, sigur e parti di naturalesa, montañanan cu ta asina diferente y bunita, pa explora y sondea lasonan di colaboracion den e area eynan. E ta brinda oportunidadnan den diferente manera y tambe den diferente angulo tambe.
Tjin Asjoe-Croes ta agrega cu a bay den combersacionnan cu e minister di turismo na Venezuela y cu e vice minister di turismo di Venezuela, cual cu a tuma luga na Cuba. Esakinan tabata na luna di Mei, caminda cu a cuminsa sondea posibilidadnan. A papia di esaki atrobe. Ya caba di concepto cu ta discutiendo den e dianan aki pa wak si por formalisa e colaboracion y ta papia aki di dual destination, cu ta algo cu minister Otmar Oduber a menciona durante di combersacionnan tambe. Ta algo cu ta evalua y wak si tin beneficio pa Aruba y claro di otro banda Venezuela ta wak e ora ey e beneficio cu esaki lo por tin pa nan, Tjin Asjoe-Croes a finalisa.