Ta bon pa semper ta autocritico y como habitantenan, pero no como hendenan cu ta traha den ATA. Unda cu tin movecion y desaroyo. Unda cu tin “footprints” cu ta trece cosnan positivo y negativo cu tin cu wordo maneha. Segun Ronella Tjin Asjoe-Croes, CEO di ATA, relativamente bisa, y ora cu puntra bishitantenan, con nan ta experencia Aruba, esnan cu a bin ta bishita pa varios aña, nan ta keda pone e trato di e persona, nos mesun Arubianonan, ta keda pone central y ta keda hopi satisfecho relativamente cu esaki. Si ta mira cierto puntonan di atencion, pero no ta nada di preocupacion. Nos mester ta hopi satisfecho cu kico ta ofrece y mester pone den cuadro relativo, esta compara cu di unda nan ta bin. Compara cu otro destinacionnan. Compara e opcionnan, Aruba ainda ta hopi privilegia. Pero si mester ta autocritico. Nos mester scucha tambe cu tin cierto cosnan cu ta bin dilanti. Por ehempel e atencion cu mester tin na sigur e parti di planificacion di unda ta bay traha mas cos aki na Aruba, Aruba a bira mas druk, tin e parti di trafico, ta puntonan cu ta bin dilanti door di esnan cu tin aña aden y aña afo ta bishita. No obstante Aruba ta score bon. Pero nos mester keda autocritico, pasobra nos mester ta conciente tambe, manera cu a bisa den un aviso, un Aruba dushi pa biba, ta un Aruba dushi pa bishita. Y un biaha mas, bayendo na e punto cu nos hendenan mester ta central, ta traha pa turismo, pero pa ATA, turismo y e hende su papel den esey ta hopi importante. ATA ta traha pa sigur bienestar di un comunidad completo, mirando e dependencia riba turismo y mester zorg pa e hende keda central y pa e bishitante tambe por tin un caminda cu unda sigur e ta gusta bishita tambe. Mesun cos ta conta cu un Aruba dushi pa bishita, mester ta un Aruba dushi pa biba tambe y nan mester bay man den man. Tin hopi atencion di parti di ATA pa mas proteccion di nos naturalesa, nos playanan, ta invertiendo den esey. Ta mira hopi mas actividad, tambe e laso di cultura y turismo cu ta bin di parti di ATA. Ta mira atencion den siguridad te unda cu por. Diferente punto cu sigur ta importante y ta scucha bishitante, pero ta scucha tambe y keda autocritico di kico ta localmente ta hunga tambe y ATA ta haya cu mester atencion, segun Tjin Asjoe-Croes.