Ronella Tijn Asjoe – Croes CEO ATA (Aruba Tourism Authority) a comparti cu pa varios aña ATA ta socio di Aruba Gastronomic Association, actualmente a cambia pa Aruba Food & Beverage Association.
Tijn Asjoe – Croes a duna di conoce pa un programa cu ta ofrece ocacion y tipo di activiacion cu ta inclui benta di Aruba pa un ‘dine around program’. E tipo di colaboracion a tuma luga pa e ultimo luna nan.
Aña pasa a reuni cu e hunta nobo, pa esnan mas hoben den sector di Food and Beverage pa uni forsa cu esnan cu tin experiencia ‘por a mira e bunita resultado entre otro’.
Cu e lansamento di website nobo ‘Aruba dining’ lo duna e mercado pa esnan cu ta interesa pa ofrece vacacion na Aruba pero un gift certificate cu ta inclui pa hende por usa na restaurant, bars of cafe rond di Isla. “Un elemento pa agrega experiencia na e bishitante y priminti e participante y negoshi di AFBA den e desaroyo aki.
ATA ta mira cu esey por ta benficioso pa nan pa motibo cu mas uni ta cu e associacion por logra mas y colabora mas miho entre miembro ‘en bes di bay bati na porta separa’. Pa nan ta sigur diferente esfuerso cu ta mira e balor agrega pa miembro di AFBA.
Nan ta consciente riba e topico y importancia pa nan pa e mercadeo di e sector aki. “Apart di sector di hoteleria, transportacion of actividad. AFBA ta un parti integral y esencial di empuhe economico pa medio di Aruba su turismo.”
Ronella ta comparti cu den aña anterior a forma parti di ‘Taste Caribbean’ un programa organisa pa ‘Caribbean Hotel and Tourism Association’ unda cu diferente destino di Caribe a participa na dje.
Aruba a gana premio participando den esaki cu chef local y diferente otro talento. E ta menciona cu ta un iniciativa cu kier rebiba y lo sigui cu dialogo pa uni forsa y trece aspecto culinario na e bishitante.