Ronda nobo TOP Traineeship Bonaire

0
RBC Juli 2018
Funmiles-2018

TOP Traineeship na Boneiro ta haya un continuacion na september 2018. E programa di dos aña ta ofrece profesional hoben na Hulanda un oportunidad unico pa bay traha na e isla Caribense na un di e hopi organisacionnan dentro di e sector publico. Dianan 13 y 14 april ta tuma luga e encuentronan di recrutacion y informacion, organisa pa Stichting WeConnect. TOP Traineeship ta un iniciativa di ministerio di Interior y Relacion cu Reino (BZK) y ta continua esaki den cooperacion cu Entidad publico Boneiro (OLB).

Dunadonan di trabou
Mescos cu aña pasa, OLB, companianan di gobierno y Rijksdienst Caribisch Nederland (RCN) ta ofrece luga pa trainee. E organisacionnan, funcionnan y encargonan ta diverso pa loke ta trata contenido. Aña pasa institucion di cuido Fundacion Mariadal, Tourism Corporation Board, Zorgverzekeringskantoor, y OLB a pone luga di trabou disponibel. Despues di un aña piloto cu 6 trainee, pa e ronda cu ta bini tin mas organisacion local entusiasma pa participa. Potencial dunado di trabou nobo ta Oficina Central di Estadistica, Selibon (procesamento di sushi), Mental Health Caribbean y otro seccionnan dentro di OLB y RCN.

Consehero di maneho Patricia Gerritzen-Veen di OLB tocante experencia cu e traineeship: “Energia, renobacion y inspiracion, e traineenan ta trece Boneiro. Algo cu ta bonbini di curason dentro di OLB. Como un di e dunadonan di trabou mas grandi – y naturalmente como aparato gubernamental – nos ta sostene e proyecto aki di curason. Nos ta satisfecho cu e cooperacion cu BZK y nos trainee di TOP y p’esey sigur sigur ta sigui cu e cooperacion.”

Experencia di trainee
E traineenan actual ta satisfecho. Stephen Elizabeth, awor mas cu mei aña trahando como Consehero Empresarial na institucion di cuido Fundacion Mariadal, ta contento cu e reto: “Participante na TOP Traineeship, mi ta haya oportunidad pa por aplica mi conocemento y experencia adkiri na e manera corecto den practica y na mes momento amplia mi horizonte, asina mi por sigui desaroya mi talentonan.”

Desaroyo di talento
Judith Brekelmans ta Recruiter pa TOP Traineeship Bonaire. E ta enfatisa con importante ta cu profesionalnan hoben cu descendencia Caribense, conta cu nan ke esaki, por haya nan caminda bek pa e mercado laboral local, den e caso aki Boneiro: “Nos mester inverti den capital humano y desaroyo profesional di trahado. cu haci mudansa mas atractivo i cu ofrece un programa di training, TOP Traineeship ta duna un contribucion importante.” Traineenan cu ta haci e cambio aki ta join e grupo di participante local (personal actual) di TOP Bonaire. Hunto nan ta sigui un programa di training traha na midi.

Bon bini
Stichting WeConnect como partner na Hulanda ta trahando duro cu organisacion di encuentro di recaudacion, dirigi riba profesional hoben cu raiz y afinidad Caribense. Dianan 13 y 14 di april, studiantenan ta bonbini respectivamente na Den Haag y Tilburg. WeConnect ta haci un yamada na esunnan cu a caba studia na nivel di HBO y WO (of esunnan cu ta caba studia e zomer aki) pa inscribi nan mes pa e encuentronan. “Nos ta busca candidato cu diverso background di estudio, pues independiente di cua estudio bo a termina, inscribi bo mes”, Tanja Fraai, manager di WeConnect, ta bisa.” Esey por via e link aki: http://www.weconnectworks.nl/evenementen/

Comments

comments

C: Heineken
new india