Diadomingo fo’i marduga caba riba red social por mira cu na Venezuela e Venezolanonan a cuminsa subi caya y para pafo di e urnanan di votacion pa Presidencial 2024. Mientras cu na Australia n’e capital di Canberra cu ta basta ora diferente cu nos fo’i ya e prome Venezolano a vota y a pidi pa un cambio.
Na Australia tin 6627 Venzolano cu ta registra cu por vota, pero tin varios ciudadano y stranhero cu parce no ta cumpli cu e rekesito pa inscribi na CNE cu no por vota, despues di cambio diripiente cu e regimen Maduro a implemente.
Ta di lamenta cu pafo di Venezuela tin mas cu 5.5 miyon di Venezolano ta biba den exterior cu por vota pero un total di 69.211 a inscribi of actualisa su datonan na embahadanan di exterior pa asina vota.
Na Venezuela
Durante e inicio di e campaña electoral a haci denuncia di e recursonan di promove e candidatura di Maduro y e aumento di detencion y noticianan falso di opositornan. Pueblo Venezolano kier un cambio, nan ta cansa di e dictadura di Maduro y kier mira Edmundo Gonzalez cu su gobierno sinta y comanda e pais.
Urnanan na Venezuela a cuminsa yena di hednenan para pafo wardando pa drenta paden pa vota p’e cambio.
P’e eleccion aki tin 10 candidato pa presidencia pa e Republicana.
Nicolás Maduro, Edmundo González Urrutia, Benjamín Rausseo, Antonio Ecarri, Daniel Ceballos, Luis Eduardo Martínez, José Brito, Claudio Fermín, Javier Bertucci y Enrique Márquez.
Ki momento e presidente ta sinta
E periodo cu e presidente lo sinta ta 10 di Januari 2025 pa 10 Januari 2031. E poblacion registra tin 30.518.260 y Habitante registra ta 21.392.464 cu ta dunabo indicacion cu tin mas cu 9 miyon Venezolano fo’i nan pais.
Despues di e eleccion riba fecha di 5 di augustus 2024 pa 8 di augustus 2024 lo realisa e auditorio di e dato electoral oficialmente cu cifranan detaya.
