MERCA – Den e dianan nos no lo ta mirando un payaso en particular.
McDonald’s a anuncia dialuna Ronald McDonald lo bay keda for di wowo publico pa algun tempo.
Su aparicionnan lo ta limita debi na e incremendo di avistamento di payasonan hororoso na Merca y mundo.
“McDonald’s y su frankicianan riba mercado local ta conciente di e clima cu rond di e payasonan den comunidad y pesey nan ta respetuoso na limita participacionnan di Ronald McDonald den eventonan na e momento,” e vocero di McDonald’s Terri Hickey a bisa CNN den un email.
Pa hopi aña, Ronald McDonald a wordo reconoci globalmente como un icono sinonimo di e cadena di fast food, pero e payaso no a aparece den anuncionan di e restaurant sino de añanan reciente.
“Esey no ta nifica cu no lo bay tin aparicion di Ronad McDonald, pero nos lo bay pensa nos mes bon,” Hickey a bisa.
Esey ta si bo tabata scondi bao di un peluca di regenboog, bo ta al tanto cu algun comunidad na Merca tabata testigo di avistamento di payaso of di posibel menasanan relaciona cu esaki.
Tin personanan cu a wordo aresta. Scolnan a manda cartanan di advertencia. Rednan social ta inunda cu videonan casero hororoso di payaso. Incluso Cas Blanco a tuma nota di e asunto.
Ta asina raro cu hasta Stephen King, e famoso escritor, kier pa hende tuma calma.
Fuente: CNN en Español