E compania di Romar Trading ta trece un producto Mericano cu ta e whisky Bullet Bourbon cu ya ta na Aruba y por haya esaki rond Aruba segun Sr. Patrick Figaroa di Romar Trading ta splica.
Actualmente ta na Aruba, Arturo Savache, encarga cu e branding regional pa Caribe, cu ta di bishita na Aruba e siman aki pa duna diferente training, tocante e whiskynan y tambe e producto mas nobo cu ta e Bullet Bourbon.
E whisky aki ta uno Americano. Bo ta haya e whisky Escoces, e Old Parr y awo ta haya e Bullet Bourbon. Romar ta orguyso di ta representante di e marca aki, ya cu e ta masha conoci bou di nos bishitantenan. E whisky ta ariba mercado caba y e ta available tambe den e supermercadonan mas grandi na Aruba. Su prijs ta competitivo compara cu e otro whiskynan cu ta haya na Aruba.
Sr. Arturo Savache a splica mas tocante e producto aki. E ta un whisky di un historia su tras. Su prome conocemento ta di 1836, ora cu e abuelo di Sr. Tom Bullet, ta cuminsa traha bourbon na Kentucky. Tabata 100 aña despues, cu Sr. Tom Bullet ta recupera e receta.
E bourbon aki ta uno unico, e ta un bourbon Americano. E ta un marca cu a bin ta creciendo hopi ultimo temponan aki. Loke segun Sr. Savache, ta haci’e diferente di e otronan, ta cu e tin un aroma diferente, extraordinario. E profundidad aromatico extraordinario, e tin un sabor unico.
Tom Bullet ta uza whisky di 8 aña den su bourboun. Y esaki ta haci e intercambio entre alcohol y palo, algo extremadamente extraordinario. Ta alcohol cu a sinta su tempo caba y e sabor ta unico, como tambe su aroma exquisito.