Romar Trading a tene un conferencia di prensa na Pelican Pier, caminda cu Bryan Maduro kende a gradici un y tur pa tey presente. E ta encarga cu Heineken y Amstel Bright. El a papia un tiki di e historia y origen di Amstel Bright, cual ta existi for di 1999. El a wordo gebrouw na Hulanda. Romar Trading ta treci for di Hulanda cu un receta special cu ta wordo traha solamente pa Caribe, cu ingredientenan di calidad halto. E cerbes aki, ta un cerbes hopi limita. E ta bendi solamente na seis pais den Caribe, cual ta Aruba, Corsou, Boneiro, Cayman Islands, Bermuda y St. Maarten. E cerbes aki semper tabata disponibel solamente den botter y nunca mas den un otro tipo di empake. Awor aki Romar a bin cun’e den bleki. Pa e motibo aki tambe a tene e conferencia di prensa, pa asina introduci e bleki y tambe e campaña nobo pa e bleki. Den 2016 nan a bin cu un logo nobo y cu e logo nobo aki ta bin cu e campaña di bleki.
Tres aña pasa a bin cu un campaña cu tabata un exito grandi. Tabata e campaña cu e Seadoo.
Andy Lacle tambe ta di Romar Trading y a elabora riba e campaña pa introduci e bleki di Amstel Bright. Amstel Bright tin un manera di sinti cu e cerbes. Amstel Bright tabata simplemente bo ta bebe ora bo tin sed, bo ta bebe pasobra bo kier relax. E no tin di haber cu bo ego, e no tin di haber cu unda bo ta. E tin di haber cu con bo ta sinti. Si bo ta cu amigonan, kisas bo ta dal’e bo so. Amstel Bright ta un cerbes, cu e sentimento cun’e ta full diferente cu cualkier otro cerbes.
E campaña cu ta bay bin cun’e ta touch e sentimento. Ora cumpra un six pack, tin chens di gana premionan cu ta experiencia, aventura. Bo tin aventuranan cu bo ta relaha y tin aventuranan cu bo kier un tiki adrenalina den curpa, cual ta e adventure, e thrill. Pesey e campaña yama “Choose the Thrill or to Recharge.” Den e caso aki lo bay tin como premio aventura, experiencianan. E ora bo cumpra bo six pack, bo ta bay haya sa si b’a gana. Y si bo gana bo tin cu scoge e ora ey, si bo kier thrill, of recharge cu ta algo relahante.
E sistema ta bay ta full via sistema electronico. Tin un total di 12 diferente combinacion di premio cu bo por kies.
Pa duna un ehempel, tin premionan di paddle board, cual ta relaxing, landsail, cual ta exciting, yoga, cu ta exciting y relahante. Les di golf, bo tin les di windsurf, bo tin snorkeling, bo tin sunset cruise. Ta full sorto di experiencia y masha hopi hende ta bay gana. No ta un of dos, ta hopi premio tin. Ta bay presenta tur premio online.
Amstel Bright ta un cerbes cu ta riba su mes. E ta un cerbes cu e tin su mesun ambiente. Pesey a kies e aventuranan aki, experiencianan aki pa abo cu ta encanta Amstel Bright pa bo bay hunto cu locual e cerbes ta ponebo sinti, segun Lacle.