Recientemente Romar Trading N.V. a tene un seminario unda cu tur invitado a haya mas informacion tocante e marca di makiyahe tan gusta Maybelline. Pa e seminario aki Romar Trading a invita Jaime Iván cu ta un renombra make-up artist di Maybelline na Puerto Rico. Durante e luna di Januari, Romar Trading conhunto cu Maybelline New York a lansa un campaña unda cu clientenan por a participa pa gana un MasterClass. Durante e seminario aki e ganadonan di e campaña y invitadonan a haya un bista di e ultimo productonan di e linea di Maybelline y un Masterclass unda cu Jaime a mustra nan tips and tricks pa luci extra bunita durante e temporada di Carnaval. Despues di e seminario tur presente a disfruta di un cocktail reception den pleno ambiente. Romar Trading N.V. kier a gradici tur nan invitadonan y clientenan pa nan presencia durante e evento.