E conocido biñanan di Concha y Torro no ta marca desconoci na Aruba. E ta un faborito di hopi y ta wordo bendi den casi tur supermercado y por hayanan na varios restaurant di taya aki na Aruba. Romar Trading, kendenan ta e agencia di e biña, tabata tin e placer di a introduci e expo manager pa e biñanan di Concha y Torro pa Caribe,, Ignacio Allende na Aruba, pa asina haci lansamento di Casirello Devil’s Collection, e liña nobo di Casillero del Diablo, e biña strea icono di Concha y Torro, cu a lanza un blend, un biña cora y blanco, caminda cu kier a simplifica e biña. E no kier a complica cu e variedad, e tipo di aña, e terroir, e viñedo, e valle, etc. nada. Sino ta e mescla perfecto caminda cu e consumidor ta haya un bon biña, tanto den biña cora y den biña blanco, pa esnan cu sa y no sa di biña.
Ta un biña cu no ta busca restriccion ni complicacion. Sino cu ta biñanan cla pa disfruta. Den e categoria di biña ta existi miles di label y e consumidor loke e kier awendia ta algo cu ta simplifica su seleccion y sa realmente cu tin un marca cu ta entrega un biña di calidad, cu e lo bay gusta riba un prijs accesibel. Y esey nan a lans’e awendia. Ta invita tur hende na Aruba pa bin Ling & Sons pa purba e Casillero Devil’s Collection cu sigur nan lo bay gusta. E idea ta pa tur paladar.
Nan lo bay ta na diferente punto di benta cu prijsnan promocional, campaña, tasting. Awor aki nan ta bay campaña fuertemente te fin di aña. E concepto aki di blend, ainda no ta mucho conoci na Aruba pero sigur ora cu nan purb’e y wak cu e ta un biña facil, e lo bay ta bon gusta.
E exito di Casillero del Diablo, pa e prijs cu e tin, tin un bon calidad. E ta un bes valido den cualkier di e supermercadonan caminda cu nan ta. Hendenan ta reconoce su calidad y pesey pa e prijs cu e tin, e tin un excelente calidad. Awendia cu ta lansa e coleccion aki, ta un biña hopi elegante y hopi accesibel y sigur e lo ta un exito na Aruba.