Aruba Triathlon Association a organisa dia 11 di September 2016 e GUARDIAN GROUP DUATHLON NACIONAL 2016.
Den distancia Sprint tabatin 25 atleta individual y 7 relay team.
Den totalidad e tri-atletanan mester a core na pia 5 km, core un distancia di 20 km riba bicicleta y un biaha mas careda na pia di 3 km.
Den distancia Super Sprint tabatin 11 atleta individual y un relay team.
Nan mester a core na pia 2.5 km, core un distancia di 10 km riba bicicleta y un biaha mas careda na pia di 1.5 km.
E evento a tuma luga na Boca Cathalina pa 7or di mainta.
E ruta di ciclismo tabata e buelta entre Malmok y Bakval.
Pa loke ta e careda na pia, esaki a tuma luga entre Boca Cathalina y Arashi.
Ganado Overall Masculino
Den categoria Overall Masculino den un final masha preta mes Romar Arendsz ta bin gana Michel Roos. Romar Arendsz su tempo tabata 1.06.33.158 y Michel Roos su tempo tabata 1.01.06.33.365. Na di tres luga a keda Ivo Maduro, tempo .1.12:31.
Ganado Overall Femenino
Den categoria Femenino Open, Shariska Winterdaal ta gana den un tempo di 1.17.30.
Na di dos luga a keda Sandra Postma, tempo 1.21.45 y na di 3 luga a keda Chantal Ecury, tempo 1.29.27.
Relay Team
E team di Jair Kelly y Melvin Dabian a yega na di prome luga cu un tempo di 1:01:09 na di dos luga e team di Akeem Kock y Lenin Ashby cu un tempo di 1:08:10 y na di 3 luga e team di Jonathan Croes y Andres Soto cu un tempo di 1:15:23.
Ganador Overall Kids Masculino
Den categoria Overall Kids Masculino Giannon Eights ta retene su titulo di campeon kids den un tempo di 32.38. mester menciona cu Giannon a mehora su tempo di aña pasa cu 3 minuut y 7 seconde. Na di 2 luga ta keda Jasper Timmer cu un tempo 34.35 y na di tres luga Christiaan Jansen den .37.33.
Ganado Overall Kids Femenino
Den categoria Overall Kids Femenino na prome luga Denise Brouwer den un tempo di 36.58. Na di 2 luga ta keda Rebecca Jansen den un tempo 42.26 y na di tres luga Aleeza Semeleer den 45.47.
Aruba Triathlon Association kier a gradici su sponsornan Lotto pa Deporte y Guardian Group pa a patrocina e Duathlon Nacional.
Tambe un danki grandi ta bay na tur esnan cu boluntariamente a yuda pa por a haci e evento aki exitoso!!
No por keda sin gradici e mayor y amigonan cu a bin apoya e participantenan!
Danki special ta bay na e polisnan cu tambe tabata presente y nos fotografo Anno y Patrick cu a percura p’e bunita potretnan.