CANBERRA, Australia – Roger, conoci popularmente como “e cangaru culturista” o “e cangaru mas fuerte di mundo”, a muri weekend ultimo na edad di 12 aña.
E animal tabata conoci pa su tamaño (grandi) y tambe pa su fisico impresionante: e tabata midi mas di 2 meter y tabata pisa 89 kg.
Pero tabata na 2015 cu el a gana fama internacionalmente danki na algun imagen unda tabata por a wak’e ta mustra su musculonan grandi plachando un hemchi di metal. Esaki a bira famoso ariba rednan social.
Roger a wordo rescata tempo cu e tabata baby, despues cu su mama a muri den accident di trafico.
El a crece den e Santuario di Cangaru di Alice Springs, Australia, unda cu e responsabelnan di e santuario a informa cu e animal a muri debi na su su edad halto.
Condolencia di rond mundo
Roger a bira den e “macho alfa” di e santuario Australiano, unda e tabata tin 12 compañe.
“Na comienso, tabata tin un vinculo estrecho entre nos, pero despues el a cuminsa wak mi como competencia y tabata kier bringa cu mi”, Barns a recorda.
“Awo cu el a muri, nos ta ricibiendo hopi atencion como tambe condolencia di personanan rond mundo”.
Den su ultimo añanan di bida, Roger tabata lucha contra artritis y e perdida di su bista, pero segun Barns a bisa na 2016, “e tabata disfruta di su hubilacion”.
https://www.bbc.com/mundo/noticias-46513730
Cangarunan por biba te cu 14 aña, pero masha poco nan ta yega e edad ey ora cu nan ta biba den naturaleza.
Roger a wordo dera den e santuario unda cu el a crece y a desaroya e musculonan ey pa cual el a bira full un fenomeno viral.