Diamars atardi na Rodgers Beach un turista masculino di den careda 60 aña a keda saca foi awa no tabata reacciona mas. E hendenan cu a mira esaki a bati alarma di biaha na autoridad y a cuminsa cu reanimacion. Patruyanan di San Nicolas tambe a presenta y a cuminsa cu reanimacion mientras ambulancenan tabata na caminda.
Dos unidad di ambulance y e ovd rapid a presenta pa sigui cu e reanimacion a pone aparato tur cos ne curpa di e homber di edad. E tabata acompaña pa su señora cu tambe ta un hende di edad.
Paramediconan a haci nan maximo esfuerso, no sa si e persona durante cu el a bira malo den awa a guli awa hoga y na ultimo hendenan cu a mira e no ta move y a sake foi awa ya ta laat. A sigui e parti di reanimacion te ne momento final sin resultado y a pidi presencia di dokter y brandweer. Brandweer pa asina yuda lanta e curpa debi cu e persona ta basta pisa. A warda pa dokter y auto funeral presenta y e ora ey bomberonan a presenta bek pa asina yuda lanta e curpa te ariba.
Personal di slachtofferhulp tambe tabata presente pa atende cu e señora cu a keda atras.
