Despues cu Departamento di Douane a cuminsa cu su sistema digital pa cobra via banco, cual ta un servicio 100%. Awor aki nan no ta uzando cashier mas. Tur pago cu ta bay pa Douane, ta sosode online, segun director, Roderick Croes.
A elimina tur cahero y asina tambe elimina e riesgo cu cashmoney y cheques ta trece cu nan. Tin cliente cu tin issues ainda y no ta tur hende a haya e manera con pa haci’e. A pone un tutorial tambe unda cu ta wak precies ki pasonan tin cu sigui pa por haci e pago. Te awor aki e ta bayendo bon. Tin di compronde cu tin hende cu ainda pa siguransa den e reference field, nan ta yena mas cu solamente e number. Nan kier yena, luna, aangifte.
Croes a splica cu ta importante pa nan pa yena solamente e referencia y e suma, pasobra si nan yena algo mas cu no ta referencia, e ora ey e sistema no ta bay reconoce y no ta bay conte como paga. Esey ta un di e problemanan cu tin y tambe tin hende cu ta pensa cu nan tin un banco A cu ta transfer pa banco B, esey no ta bay pero no lo reconoce. Si ta na un banco, tin cu paga na e mesun banco. E ora ta yena e number di referencia y e suma y e ta wordo reconoci. Esaki ta un pago electronico cu ta wordo haci. Manera cu e wordo haci,e banconan ta manda e badgenan pa Douane y ta match. Asycuda mes ta match’ y e persona ta haya un email cu su invoice, manera cu e hay’e, e ta print su documento y por saca su container. Tin banco ta manda nan badge cada cinco minuut of otro ta mand’e un biaha pa dia. Un cos ta sigura cu pa su mañan mainta tur cos ta paga, tur containernan por bay di biaha.
Esey ta nifica cu no mester bin te na douane bay paga. Ta paga na bo oficina, ta haci aangifte online y eynan mes por haci e pago tambe online y e ta match di modo cu ta bay gana hopi tempo asina.