Sr. Michell La Haye di Rode Kruis Aruba ta splica con nan ta preparando nan mes pa e tempo rada di horcan cu lo cuminsa dia 1 di juni 2017.
E trainingnan ta concorda perfectamente pa e temporada di horcan y si nan tabata tin e materialnan aki y conocemento aki na November 2016, cosnan lo por a cana hopi mas miho. Nunca lo bo no ta completamente cla pa un horcan, pero ta haci lo posibel pa prepara nan mes lo miho posibel. E boluntarionan ta wordo getrain, e materialnan necesario ta cla pa asina sigura cu tur ta prepara pa cualkier incidente.
No ta train solamente pa e temporada di horcan,pero pa cualkier eventualidad. Dia 20 di November tabata pafo di e temporada activo di horcan y den un dia nan mester a zorg pa tabata cla pa brinda e ayudo necesario pa e comunidad. Pa Sr. La Haye di Rode Kruis, preparacion ta esencial pa sobrevivi durante un calamidad. Un curso basico di EHBO ta bon pa tur hende por sigui pa asina cualkier incidente chikito na cas, bo por yuda bo mes.
Na mes momento, na Rode Kruis tambe ta duna informacion kico mester haci den caso di un calamidad. Pero por wak tambe den corant, unda tin masha hopi informacion disponibel y tambe Departamento di Calamidad tambe ta cla pa duna tur informacion necesario.
Den caso di pregunta, semper Rode Kruis ta cla pa yuda, y por subi nan website www.redcrossaruba.com of 5882219, unda nan ta cla pa contesta cualkier pregunta cu e comunidad di Aruba por tin.