LONDON, Inglatera – Conoci pa su stem bruto, su cabey geel salbahe y su exitonan rond mundo, e cantante Britanico, Rod Stewart rara bes ta haya su mes envolvi den polemica.
Pero diabierna, e musico veterano a haya su mes obliga pa pidi disculpa tras di e divulgacion di un video caminda cu por mira cu ta simula un decapitacion den desierto cu ta recorda di e atrocidadnan di e grupo Estado Islamico.
Den un clip cortico publica riba internet pa su casa, Penny Lancasteer, e interprete di “Da Ya Think I’m Sexy?” a haci un gesto cu man manera pa corta cabes di un amigo caminda cu e tin tuma na su cabey di rudia dilanti di dje den santo.
E artista, di 72 aña a bisa cu e no tabata tin intencion di imita e grupo Yihadista sino mas bien simula un escena die famoso serie di television “Game of Thrones.”
“Comprensiblemente, esaki a wordo mal interpreta y mi ta manda mi mas profundo disculpa na esnan cu a sinti nan mes ofendi,” Rod Stewart a skirbi den un comunicado.
E cantante a wordo graba durante un biahe cu amigonan den Medio Oriente. Su casa a pone e video riba su cuenta di Instagram poco despues di publica un potret di e pareha bishitante un mosque na Abu Dabi. E video ya a wordo elimina.
Fuente: Globedia