Rocco Tjon: Reunionnan Interparlamentario a termina

Na final di reunionnan cu a tuma lugar siman pasa, manera ta conoci, nos colega di fraccion y miembro di delegacion Ras tawata den noticia pa un sucedido. Nos fraccion y e colega mes lo bay elabora den un rueda di prensa tocante di e sucedido.

Nos tur ta di acuerdo cu esaki no tawata algo responsabel pa haci durante reunion, apesar cu nos tawata na final di e reunion.
Den combersacion cu nos colega Ras e ta admiti cu esaki tawata incorecto di su banda y no ta hustifica su mes pa esaki tampoco.

Den nomber di delegacion Arubano, nos no ta apoya locual a tuma lugar y ta pidi disculpa. Como fraccion y delegacion nos lo sigui atende cu e asunto aki internamente pa evita cu situacionnan asina lo ripiti den futuro y pa pueblo por tin e confiansa cu nan ta wordo representa dignamente.

IPKO
Nos kier accentua si cu apesar di e sucedido aki nos ta wak bek riba un IPKO exitoso. Palabracionnan concreto a wordo haci na bienestar di pais Aruba y Reino.

A trata e problematica di Venezuela, haci palabracion regardando e desaroyo di metanan sostenibel y haci diferente bishita di trabou entre otro na aeropuerto di Rotterdam. Na momento cu nos regresa nos lo elabora riba e palabracionnan concreto.

GESCHILLENREGELING
E siman aki nos lo trata e “geschillenregeling” cual tambe ta di gran importancia pa Aruba y Reino, y nos ta premira cu e lo ta un reunion cu Reino henter lo ta siguiendo di cerca.

Comments

comments